विवाहपश्चात सम्बन्ध कस्तो हुनुपर्छ
विवाह गरिसकेपछि दोहोरो जिम्मेवारी हुन्छ । सधैँ आफ्नो बारेमा मात्र सोचेर पुग्दैन, जीवनसाथीको पनि ख्याल राख्नुपर्ने हुन्छ । त्यसैले विवाहपश्चात दाम्पत्य जीवन खुसी राख्न एकअर्काको भावना बुझ्न जरुरी हुन्छ, एकअर्कालाई विश्वास गर्नुपर्ने हुन्छ अनि सुख दुःख बाड्नुपर्ने हुन्छ ।तपाईं आफ्नो जीवनसाथीसँग सधैँ राम्रो व्यवहार गर्नुहोस् जसले गर्दा आपसी सम्बन्ध गाढा रहन्छ । दाम्पत्य जीवन सुखी राख्नका लागि सकारात्मक सोच लिनु र मिलनसार हुनु अत्यन्त आवश्यक हुन्छ ।
धेरै अनुसन्धानहरुले यो पत्ता लगाएको छ कि दाम्पत्य जीवन सुखी हुने महिलाहरुको हृदय रोगबाट हुने खतरा अरुको भन्दा कम हुन्छ । दाम्पत्य जीवन सुखी हुने महिलामा अविवाहित, विधवा अथवा दाम्पत्य जीवन सुखी नहुने महिलाको तुलनामा तनाव, वेचैनी वा डिप्रेसन जस्ता विरामहरु लाग्ने सम्भावना कम हुन्छ । दाम्पत्य जीवन सुखमय विताउने महिलाहरुको रक्तचाप पनि स्थिर हुन्छ र कोलास्ट्रोल पनि कम रहन्छ । त्यसैले दाम्पत्य जीवन सुखी बनाउन अत्यन्त जरुरी हुन्छ ।
दाम्पत्य जीवन सुखी बनाउने केही उपायहरु
आपसी सम्बन्धलाई सबैभन्दा ठूलो मान्नु
विवाहपश्चात श्रीमान् श्रीमतीले एकअर्काको सम्बन्धलाई बराबर सम्झनु अत्यन्त जरुरी हुन्छ । अरुको तुलना आफ्नो जीवनसाथीसँग कहिल्यै पनि गर्नु हुँदैन । साथीभाइ अथवा आफन्त सँग तपाईंको व्यवहार फरक हुन सक्छ तर जीवनसाथीसँग त्यस्तो फरक व्यवहार कहिल्यै गर्नु हुँदैन ।
भावना व्यक्त गर्नु
सर्वोत्तम एवम् सुखी दाम्पत्य जीवनको लागि एकअर्कामा भावना साटासाट गर्नु अत्यन्त जरुरी हुन्छ । विवाहपश्चात सम्बन्ध गाढा बनाउनका लागि भावना व्यक्त गर्नु सबैभन्दा उत्तम तरिका हो । आफ्नो जीवनसाथीसँग आफ्ना भावनाहरु खुलेर व्यक्त गर्नु जरुरी हुन्छ ।
तारिफ गर्नु पनि जरुरी
जीवनसाथी चाहे जस्तोसुकै होस् उसको तारिफ गर्नु अत्यन्त जरुरी हुन्छ । तारिफ गरेपश्चात तपाईंको जीवनसाथीको उत्साह अझै बढ्छ र तपाईंको लागि तपाईंको जीवनसाथीले अझै बढी तारिफयोग्य काम गर्न कोशिस गर्नेछन् । तर यसरी प्रसंशा गर्दा एक्लै पारेर गर्नुभन्दा सबैको सामुन्ने नै गर्नु राम्रो हुन्छ । यस्तो गरेमा तपाईंको कुरा सुनेर तपाईंको जीवनसाथीको तपाईंमाथि अझ बढी विश्वास हुनेछ र सम्बन्ध झन गाढा हुँदै जान्छ ।
कहिलेकाहीँ साथमा घुम्न जानु
विवाहपश्चात पनि बाहिर कतै डेटिङ जानुहोस् जसले गर्दा तपाईंको जीवनसाथीलाई सधैँ सम्बन्ध नयाँ जस्तो लाग्नेछ । जीवनसाथीको साथ कुनै लामो यात्रामा जानुस्, छुट्टीमा घुमाउन लानुहोस् । जतिसमय तपाईं आफ्नो जीवनसाथीसँग एक्लै रहनु हुन्छ त्यतिनै एकअर्कालाई बुझ्ने मौका मिल्छ ।
एकअर्काप्रतिको विश्वास
पति पत्नीबीचको विश्वासमा सधैँ एउटा निब हुन्छ । यदि तपाईं आफ्नो पार्टनरलाई विश्वास गर्नुहुन्छ विवाहपश्चात पनि तपाईंको सम्बन्धमा खटपट आउँदैन । एकअर्काप्रति विश्वास राख्नाले तपाईंको सम्बन्ध झन बलियो भएर जान्छ ।
How about this Article
No comments: