रसियाली राष्ट्रपति पुटिनको विरोधमा जर्मनीमा नाङ्गो प्रदर्शन (फोटोफिचर)
जर्मनी
। जर्मनीमा एक औद्योगिक मेलाको भ्रमणमा आउनुभएका रसियाली राष्ट्रपति
भ्लादिमिर पुटिनको विरोधमा केही महिलाले सोमबार नाङ्गो छाती प्रदर्शन गरेका
छन् ।यसबीच राष्ट्रपति पुटिन तथा जर्मन चान्सलर एन्जेला मर्केलबीच रसियामा हालै गैरसरकारी संस्थामा भएको कारवाहीका विषयमा विवाद भएको छ ।
राष्ट्रपति पुटिन तथा चान्सलर मर्केल भोक्सवागनका कार्यकारी प्रमुख मार्टिन विन्टरकर्नले कम्पनीका तर्फबाट नयाँ गाडी प्रदर्शन गर्दा राष्ट्रपति पुटिनको विरोधमा चार महिलाले आफ्नो नाङ्गो छाती देखाएर अश्लील नारा लगाए ।
एक महिलाले आफ्नो पछाडिपट्टी यस्तै नारा लेखेकी थिइन् । प्रदर्शनकारीहरूलाई सुरक्षाकर्मीले नियन्त्रणमा लिएका थिए ।
चान्सलर मर्केल तथा राष्ट्रपति पुटिन उत्तर जर्मनीमा आयोजित ‘ह्यानोभर मेस’मा भागलिँदै हुनुहुन्थ्यो ।
यस मेलामा यस वर्षको प्रमुख अतिथि राष्ट्रपति पुटिनलाई बनाइएको थियो । यसपछि एक पत्रकार सम्मेलनमा दुई नेताले एकअर्काप्रति आलोचना गर्नुभएको थियो ।
चान्सलर मर्केलले रसियामा गैरसरकारी संस्थामा भएको नियन्त्रणको आलोचना गर्नुभएको थियो भने राष्ट्रपति पुटिनले आफ्नो मुलुकमा विदेशीको क्रियाकलापको अनुगमन सही भएको दाबी गर्नुभयो ।
उहाँले रसियामा गैरसरकारी संस्थामा भएको विदेशी लगानी समस्या परेका मुलुकमा उपयोग गरेको भए राम्रो हुने धारणा राख्नुभयो ।
राष्ट्रपति पुटिनले राजनीतिक विषयमा छलफल गर्न कपडा खोल्नु आवश्यक नभएको पनि उल्लेख गर्नुभयो । एएफपी
How about this Article
No comments: