गायिका सिर्जना थापा जेल चलान
३२ साउन, काठमाडौं । ठगी मुद्धामा गायिका सिर्जना विरही थापा जेल चलान भएकी छन् ।काठमाडौं जिल्ला अदालतले मागेको २५ लाख रुपैयाँ धरौटी तिर्न नसकेपछि बिहीबार उनलाई सुन्धारास्थित महिला कारागारमा पठाइएको छ ।
विदेश पठाईदिने तथा आकर्षक व्याज दिने भन्दै पुजा रायमाझीलाई ३५ लाख रुपैयाँ ठगी गरेको भन्दै प्रहरीले उनीविरुद्ध मुद्धा दायर गरेको थियो । गत ७ साउनमा उनी जुवाघरबाट पक्राउ परेकी थिईन् ।
जुवाका साथै प्रहरीले उनलाई ठगी मुद्धासमेत दायर गरेको थियो । जुन मुद्धाको थुनछेक आदेशमा काठमाडौं जिल्ला अदालतले उनीसँग २५ लाख रुपैयाँ धरौटी मागेको थियो ।
सो रकम बुझाउन नसकेपछि उनलाई जेल चलान गरिएको जिल्ला अदालतले जनाएको नयाँपत्रिका दैनिकले खबर छापेको छ ।
How about this Article
No comments: