पहिरोका कारण चार परिवार विस्थापित

१ असार,म्याग्दी । म्याग्दीको पाखापानीमा पहिरोबाट चार परिवार विस्थापित भएका छन् । शुक्रबार बिहानदेखि लगातार पहिरो चल्न थालेपछि पाखापानी १ औलागाउँका बासिन्दा विस्थापित भएका हुन् । यसअघि बस्तीको तल राहुघाट नदितर्फबाट पहिरो गएको र अहिले बस्ती माथिबाट पहिरो चल्न थालेको हो । पहिरोबाट बच्न औलागाउँका नन्दबहादुर पाईजा, प्रेम पाईजा, देउप्रसाद पाईजा र मिना शेरपुञ्जाका परिवार विस्थापित भएका अमर मावि पाखापानीका प्रअ युकुमार गर्बुजाले जानकारी दिए।