मधेशी दलको अनपेक्षित मागवारे उच्चस्तरिय समिति

१८ साउन, काठमाडौ । मंसीर चारको चुनाव आउन चार महिना भन्दापनि कम समय रहेको समयमा मधेशी मोर्चाले समानुपातिक तर्फको सिटसंख्या बढाउन प्रस्ताव गरेपछि प्रमुख दलका शीर्ष नेता सम्मिलित उच्चस्तरिय समितिमा यसवारे छलफल हुदैछ ।म्धेशी मोर्चाको माग र नेकपा माओवादी लगायत असन्तुष्ट दलसंग वार्ताको प्रयास स्वरुप उच्चस्तयिर समितिको बैठक शुक्रवार बस्दैछ ।

नेपाली काग्रेस र नेकपा एमालेले मोर्चाको माग पूरा गर्न नसकिने संकेत गरिसकेका छन ।ज्नसंख्याको आधारमा मात्र निर्वाचन क्षेत्र निर्धारण गर्नुपर्ने तथा मतदाता नामावली संकलनका लागि पुनः म्याद थपगर्नुपर्ने मोर्चाको मागमापनि अन्यदस सहमत छैनन । आफैले गरेको सहमति विपरित मधेशी मोर्चा पछि हटेपछि मंसीर चारको चुनाव टर्नसक्ने भन्दै चिन्ता व्यक्त गरिएको छ ।संमिति संयोजक माओवादी अध्यक्ष प्रचण्ड भने मंसीर चारमा जुनसुकै हालतमा चुनाव गर्नुपर्ने पक्षमा छन ।

राष्टपतिसंग विहिबार भएको बैठकमा पनि प्रचण्डले मंसीर चारमै चुनाव गर्नुपर्ने बताएका थिए । मधेशी मोर्चाले अहिले आएर नयाँ बाहाना निकालेपछि प्रचण्ड लगायत शीर्ष नेताहरु अफ्टयारोमा परेका छन ।निर्वाचन आयोगले मंसीर चारको चुनावमा लागि पुनः मतदाता नामावली संकलन गर्ने काम संभव नभएको बताएको छ ।