प्रचण्डले भने मदन भण्डारीसँग मेरो एउटा कुरा मिल्छ

कान्तिपुर टेलिभिजनबाट बिहिबार राती प्रशारित दिशानिर्देश कार्यक्रममा अध्यक्ष प्रचण्डले मदन भण्डारी र आफू नेतृत्वमा आउँदाको परिस्थिती भने भिन्नै रहेको बताएका हुन् । ‘मदन भण्डारी एउटा वैचारिक ढंगले नेतृत्वमा आउनु भयो', प्रचण्डले भने, 'मेरो भने भिन्नै हो, दशौ हजारको बलिदानीपछि म नेतृत्वमा आएको हुँ ।’

अध्यक्ष प्रचण्डले ‘ठोस परिस्थितीको ठोस विश्लेषण’गर्न आफू माहिर रहेको दावी गरे । कम्युनिष्टहरुको सोच्ने तरिकामा अन्तराष्ट्रिय प्रभाव पर्ने गरेको भएपनि त्यसलाई सन्तुलनमा ल्गाउन आफू सफल भएको उनले दावी गरे । बैद्यजीमा सैद्धान्तिक विचलन अध्यक्ष प्रचण्डले नेकपा माओवादीका अध्यक्ष मोहन बैद्यलाई संविधानसभाको हतियार पुरानो भयो भ्रमणका कारण संविधानसभाको विरोध गरेका दावी गरे ।

चुनावमा पराजीत भइन्छ भन्दापनि संविधानसभा भनेको सामान्त दलाल बर्गको एजेण्डा भयो भन्ने सोचाइका कारण बैद्यहरूले संविधानसभाको विरोध गरेको प्रचण्डले आरोप लगाए ।